رافعة انا ايدى
***********
يااااااااااااارب
واقفة على بابك
متعلقة بأعتابك
رافعة انا ايدى
باكية ودعيالك
قوينى على نفسى
قوينى على ضعفى
امحى هوانى ويأسى
واجعلنى فى رحابك
******
يارب ذنبى كبير
ودموعى نازلة تسيل
والقلب باكى عليل
مالى غيرك يارحيم
يصبرنى على حالى
ياربى كلى ذنوب
غطت علية التوب
يااااااارب غفرانك
ماقصدت يوم عصيانك
*******
رافعة انا ايدى
ودموعى سبقانى
راضية وحامدة وشاكرة
مهما الجراح زادت
مهما القلوب عانت
مهما المحن ضاقت
رافعة انا ايدى
طمعانة فى جنتك
طمعانة فى رحمتك
*******
يااااااارب ضاق حالى
فأنت معينى وانت ملاذى
لمن اشكى وانت اعلم بحالى
ياربى انى عصيتك فأسترنى
وانى نسيتك فتذكرنى
ياربى ان مسنى الضر
فانت بجانبى...ولن ابالى
يااااااااارب
ابعد عنى احزانى
واملاء ميزانى
ياربى انت الكريم
وانا الشحيحة باحسانى
********
يااااااااااااااربى
ضاع حقى فى الدنيا
ولم ابكى عليها
فقد تركتها بكل مافيها
فلا تحرمنى ختام اخرتى
طمعانة انا فى امانيها
فيها جنة الرضوان حارسها
وقربى منك هو اسمى معانيها
ليست هناك تعليقات:
إرسال تعليق