كلام x كلام x كلام
بسمع منك احلى كلام
وافرح كبراءة الاطفال
من كلمتين اقراهم
وشوية انساهم
لانى مش لقياك
ولا حتى لقياهم
يااااه عليك يازمان
الحب بقى على الورق
كله حروف فى كلام
متبعتر هنا وهناك
لا انا شايفة نفسى فيه
ولا عارفه كاتبه لمين
ياريتنى كنت اعرف!!
بس اللى انا عارفاه
ومتأكدة ووعياه
الحب مش كلمة
وحدوتة فى غنوة
الحب دة افعال
بيترجمه الاحساس
وردة جميلة حمرا
محتاجة للضلة
نرعاها بقلوبنا
نرويها حنية
كمل حياتك بالكلام
وعيش واكتب عالغرام
مهو الزمان مبقاش زمان
والحب فيه مجرد حروف
خالية من المعنى
