قول ياقلم

قـــــول ياقلـم

واحكى عن سر جوايا

وافضح وجيعتى وبوح

ع اللى جرى معايا

اصرخ وقول ال آآآه

على عمر ضاع

بين البكا والأسى

سجلته فى ليلة سهراية

اكتب وقول ياصديق

مانت اللى شايف جرحى

وطعنتى بتنزف,مغروزة جوايا

بقت وشم بجبينى

شيفاها ادام عينى

وكأنى فى مرايا


***************

قول ياقلم واحكى

وابكى على اللى كان

لما كان الانسان انسان

الخير جواه كان ارض

متخضرة

قلبه كان نبع صافى

بالحب متعمرة

ليـــــــــــــــــه

مزقه رمح الزمان

بسيوف قوية مقدرة

آه ياقلم مجروح

من ناس فى الغدر متأصلة

آه يازمن..اشكى لمين

وانت الخصم والحكم

انا معاك دايما متحيرة

قول ياقلم واحكى

وافضح وجيعتى

ع اللى جرى